ప్రతీ కార్యకర్త కుటుంబానికి అండగా బీఆర్ఎస్ పార్టీ

ప్రమాద వశాత్తు మరణించిన కార్యకర్త కుటుంబానికి 2లక్షల రూపాయల ఆర్థిక సహాయం...

గ్రేటర్ వరంగల్ 2వ డివిజన్ గుండ్లసింగారం గ్రామానికి చెందిన బొజ్జ సువర్ణ గారు ప్రమాదవశాత్తు రోడ్డు ప్రమాదంలో మరణించారు. బీఆర్ఎస్ పార్టీ క్రియాశీల సభ్యత్వం తీసుకున్న వీరికి పార్టీ సభ్యత్వం ద్వారా మంజూరైన 2 లక్షల రూపాయల  పార్టీ ఇన్సూరెన్స్ చెక్కును బీఆర్ఎస్ పార్టీ వరంగల్ జిల్లా అధ్యక్షులు, వర్దన్నపేట ఎమ్మెల్యే అరూరి రమేష్ గారు స్వయంగా వారి ఇంటికి వెళ్లి బాధిత కుటుంబ సభ్యులైన బొజ్జ శ్రీనివాస్ గారికి అందజేశారు. ఈ సందర్బంగా క్రియాశీల సభ్యత్వం ద్వారా 2లక్షల రూపాయల ఇన్సూరెన్స్ చెక్కును అందచేసిన ఎమ్మెల్యే అరూరి రమేష్ గారికి, ముఖ్యమంత్రి కేసీఆర్ గారికి బాధిత కుటుంబ సభ్యులు కృతజ్ఞతలు తెలియచేశారు.ఈ కార్యక్రమంలో డివిజన్ నాయకులు, కార్యకర్తలు తదితరులు పాల్గొన్నారు.