మహిళా సంఘాల వార్షిక మహాసభకు హాజరైన ఎమ్మెల్యే అరూరి...

గ్రేటర్ వరంగల్ 44వ డివిజన్ బట్టుపల్లిలోని AGR గార్డెన్స్ లో  ప్రగతి స్లమ్ సమాఖ్య మహిళా పరస్పర సహాయ సహకార పొదుపు మరియు పరపతి సంఘాల 17వ వార్షిక మహా సభకు తెరాస వరంగల్ జిల్లా అధ్యక్షులు, వర్దన్నపేట ఎమ్మెల్యే అరూరి రమేష్ గారు ముఖ్య అతిథిగా హాజరయ్యారు.

 ఈ సందర్బంగా ఎమ్మెల్యే గారు మాట్లాడుతూ మహిళలు ఆర్థికంగా అభివృద్ధి సాధించేందుకు టీఆరెఎస్ ప్రభుత్వం అన్ని విధాలా కృషి చేస్తోందని తెలిపారు. ప్రభుత్వం అందిస్తున్న వడ్డీ లేని రుణాలు, పావలా వడ్డీ రుణాలను మహిళా సంఘాలు సద్వినియోగం చేసుకోవాలని సూచించారు. వర్దన్నపేట నియోజకవర్గ పరిధిలోని అన్ని మండలాలకు మండల మహిళా సమాక్య భవనాలు, ప్రతీ గ్రామంలో మహిళా భవనాలు నిర్మిస్తున్నట్లు తెలిపారు. మహిళా పారిశ్రమిక వేత్తలకు ప్రభుత్వం అన్ని విధాలా సహాయ సహకారాలు అందిస్తుందని హామీ ఇచ్చారు. ధాన్యం కొనుగోలు కేంద్రాలను శాశ్వత కొనుగోలు కేంద్రాలుగా అభివృద్ధి చేసి మహిళల ద్వారా అన్ని రకాల పంటల కొనుగోళ్లు చేపట్టెందుకు ప్రభుత్వం ప్రణాళికలు సిద్ధం చేస్తోందని తెలిపారు.

ఈ కార్యక్రమంలో స్థానిక ప్రజా ప్రతినిధులు, మహిళా సంఘం ప్రతినిధులు, డివిజన్ నాయకులు తదితరులు పాల్గొన్నారు.