భగవద్గీత - యధాతథము _రోజుకు ఒక శ్లోకము_శ్లోకము - 13.1-2

 🌸🌸🌸🌸🌸🌸🌸🌸🌸

హరే కృష్ణ॥

భగవద్గీత - యధాతథము

_రోజుకు ఒక శ్లోకము_

త్రయోదశాధ్యయము

ప్రకృతి, పురుషుడు,చైతన్యము

🌸🌸🌸🌸🌸🌸🌸🌸🌸

శ్లోకము - 13.1-2

అర్జున ఉవాచ

ప్రకృతిం పురుషం చైవ క్షేత్రం క్షేత్రజ్ఞమేవ చ

ఏతద్ వేదితుమిచ్ఛామి జ్ఞానం జ్ఞేయం చ కేశవ ||1||

శ్రీ భగవానువాచ

ఇదం శరీరం కౌంతేయ క్షేత్రమిత్యభిధీయతే |

ఏతద్యో వేత్తి తం ప్రాహుః క్షేత్రజ్ఞ ఇతి తద్విదః || 2 ||

అనువాదము

అర్జునుడు ఇట్లు పలికెను : ప్రియమైన ఓ కృష్ణా! ప్రకృతి మరియు పురుషుని (భోక్త) గూర్చి, క్షేత్రము మరియు క్షేత్రము నెరిగినవానిని గూర్చి, జ్ఞానము మరియు జ్ఞానలక్ష్యమును గూర్చి నేను ఎరుగదలచితిని.

శ్రీకృష్ణభగవానుడు పలికెను : ఓ కౌంతేయా! ఈ దేహము క్షేత్రము మరియు ఈ దేహము నెరిగినవాడు క్షేత్రజ్ఞుడుగా పిలువబడును.

కృష్ణకృపామూర్తి

శ్రీ శ్రీల ఏ.సి.భక్తివేదాంతస్వామి ప్రభుపాదులు 

అంతర్జాతీయ కృష్ణచైతన్యసంఘ సంస్థాపకాచార్యులు (ISKCON - Founder Acharya)